दक्षिण कोरिया - कबड्डी ४’ र ‘जारी’ फिल्मको सफलता पछि निर्देशक रामबाबु गुरुङको  नयाँ फिल्म  ‘डिग्री माइला : एम .ए थर्ड क्लास’ल्याउने भएका छन।  उनले आफ्नो निर्देशन रहने फिल्म ‘डिग्री माइला : एम .ए  थर्ड क्लास’को अहिले धमाधम सुटिंग चलिरहेको बताएका छन्।  आगामी नयाँ वर्ष २०८१ लाई फिल्मको प्रदर्शन मिति समेत घोषणा गरिएको छ । बासुरी फिल्म्स प्रोडक्सनको ब्यानरमा फिल्मको निर्माण कार्य तिब्रारूपमा भइरहेका छन्।

२०७१ सालमा मण्डला थिएटरमा तीनपटक मञ्चन भएको ‘डिग्री माइला’ नाटकको आइडियामा रहेर फिल्म बन्न लागेको हो । उक्त नाटकलाई अभिनेता दयाहाङ राईले निर्देशन गरेका थिए । फिल्ममा भने उनी मुख्य भूमिकामा देखिने छ ।

शैक्षिक बेरोजगारीले युवाहरुमा ल्याएको चरम निराशामा आधारित भएर फिल्म बन्नेछ । नाटकले पनि यही विषय उठाएको थियो । कमेडी जनरामा बन्न लागेको फिल्मको ट्यागलाइन ‘किन चाउरियो मरिच, आफ्नै रागले’ राखिएको छ । निर्देशक गुरुङले ‘डिग्री माइला’ प्रदर्शनमा आएपछि ‘कबड्डी ५’को निर्माण थाल्ने चर्चा छ । उनले पछिल्लोपटक फिल्म ‘फूलबारी’को निर्देशन गरेका थिए ।

फिल्मका मुख्य कलाकारहरुमा दयाहाङ राई ,आँचल शर्मा ,विजय बराल , बुद्धि तामाङ र माओत्से गुरुङलगायत रहेका छन्। कोरियाका लागि भने  अफिसियल राइट्स “नमस्ते(फ्याफुल्ला) कोरिया - नेपाल इन्टटेटमेन्ट” टिमले लिने भएका छन्।

यो फिल्म ले कबड्डी ४’ र ‘जारी’ फिल्मको  रेकर्ड तोड्न सक्ने कथाबस्तु रहेको निर्माण पक्षले दावि गरेका छन् तै पनि रामबाबु नेपाली परिवेश टिपिकल अर्गानिक कथा वस्तु लाई पर्दामा ल्याउन सक्ने एक कुशल सफल निर्देशक पक्कै हुन्।